Сұлулық пен мейірімділік пандемияға қарсы

Байқаудың ұйымдастырушылары мен қатысушыларының назары қайырымдылық және әлеуметтік жобаларды жүзеге асыруға бағытталады.

Коронавирус пандемиясы миллиондаған адамдардың әдеттегі өмір сүру дәстүрін бұзып, әлемдегі тәртіпті өзгертті. Бүкіл әлемдегі адамзаттың тап болған экономикалық қиындықтарын адам ресурсының шығынымен салыстыруға келмейді: жүз мыңдаған адам covid-19 індетінен көз жұмды. Бейбіт заманда жақындарың мен достарыңнан айырылған қандай қорқынышты… 

«Осындай қиын-қыстау уақытта финалды ауыстыру туралы шешім қабылдай отырып, барлық күш-жігерімізді «Сұлулық пен  мейірімділік» әлеуметтік жобасын дамытуға бағыттауды жоспарлап отырмыз, – дейді ұлттық сұлулық байқауының директоры А. Қырбасова. – Тек бірлескен күш-жігер, еріктілер қозғалысына, қайырымдылық жобаларына белсенді қатысу арқылы ғана біз көрінбейтін жауды жеңе аламыз».

Қатаң карантиннің алғашқы күндерінен бастап-ақ ұлттық сұлулық байқауының финалистері еріктілер қозғалысына қосылып, белсенді азаматтық ұстанымдарын білдірді. Олар азық-түлік себеттерін жасап, оларды дүкенге бара алмайтын мұқтаж қарт адамдарға, тәулік бойы жұмыс істейтін дәрігерлерге жеткізді. Ұлттық сұлулық байқауының ұйымдастырушылары Қазақстанның ең сұлу қыздарының әлеуметтік бастамасы еліміздің барлық жастары үшін жоғары мотивация және адамгершілік бағдар болатынына сенеді.

ҰСБ директорының айтуынша, үміт, жақсы нәрселерді ойлау және жақсылыққа сену адамдарға жаһандық індеттің қорқынышты салдарын жеңуге мүмкіндік береді.

«Қазақстан аруы» дирекциясы «Әлем аруы» және «Дүниежүзі аруы» сияқты ірі брендтермен алқалы ынтымақтастықта, олар да биыл ресми салтанаттардан бас тартып отыр.

Сондай-ақ ұлттық сұлулық байқауы 2020 жылға жоспарланған «Қазақстан аруының» аймақтық іріктеу турларының бәрі  онлайн форматта өтетіндігін хабарлайды

 

«Қазақстан аруы 2013» Айдай Исаева үшінші рет ана атанды

Тележүргізуші, модель әрі «Қазақстан аруы 2013» титулының иегері Айдай Исаеваның отбасында жақсы жаңалық бар. Ару үшінші рет ана атанды.

Айдай мен оның жұбайы Мақсат 5 жасар Әл-Фарабиді, 2 жасар Алсу есімді қызды тәрбиелеп отыр.

Айдай өзін жақсы сезінетінін атап өтті, барлығына ана атану бақытын тіледі.

Айдай Исаева 2013 жылы «Қазақстан аруы» байқауында жеңіске жетіп, Майамиде өткен «Әлем аруы» халықаралық байқауында республиканың намысын қорғады.

Сондай-ақ ару Қазақстандағы танымал «Қалаулым сен» шоуының жүргізушісі ретінде белгілі.

“Қазақстан аруы 2019” Мадина Батықтың бір жылы қалай өтті

«Қазақстан аруы-2019» ұлттық байқауы жеңімпазының есімі 2 мамырда астаналық «Nomad City Hall»-дан жасалған тікелей трансляция арқылы белгілі болды, оны көрермендер және республикалық НТК телеарнасының телекөрермендері тамашалады.

Павлодарлық Мадина БАТЫҚ Торайғыров атындағы ПМУ-да білім алған, мамандығы – «туризм». Жеңіл атлетика, теннис және фитнеспен айналысады.  Байқаудағы жеңіс оған жаңа әсер, таныстықтар, мүмкіндіктер сыйлады. Жыл бойы Мадина сұхбатқа, түсірілімдерге, фотосессияларға, қайырымдылық және әлеуметтік науқандарға қатысты.

Күзде Қазақстан туралы Әлем аруына арналған роликтің түсірілімі басталды. Түсірілім республикамыздың ең әдемі, ерекше, киелі және көркем жерлерінде өтті. Бұл байқаудағы ең танымал роликтердің бірі болып, жоғары бағаға ие болды. Қыста Мадина Батық Лондонға жол тартты, онда Әлем аруы 2019 байқауында Қазақстанды таныстырды.

Қазақстан аруы 2019 финалистерінің екеуі бірдей тұрмыс құрды

Қазақстан аруы 2019 финалистерінің екеуі бірдей тұрмыс құрды

“Астана аруы-2018” титулының иегері Еркеназ Сейфулла тұрмысқа шықты

Үйлену тойы 27 қазанда Алматыда өтті. Еркеназ қалыңдықтың бейнесі ретінде мүсінін ерекше етіп көрсетіп тұратын, салтанатты әшекейлері бар сәнді ақ түсті көйлек таңдады.

Еркеназдың жан жары – 26 жасар Досым Оқасов, кәсіби футболшы, “Қайрат” футбол клубының тәрбиеленушісі. Бұған дейін “Қайрат-М” және “Спартак” командаларында ойнаған.

Сонымен қатар күзде “Шымкент аруы 2019”, “Туризм аруы 2019” Балжанат Анас тұрмысқа шықты. Үйлену тойы өзінің туған Шымкент қаласында өтті. Оның таңдауы жас кәсіпкер Тұран болды.

 

Орасан зор «Әлем аруы 2019» байқауының алаңында Қазақстанның көрікті жерлері жайлы айтылмақ.

“Қазақстан аруының ” түсірілім командасы «ӘЛЕМ АРУЫ 2019» байқауы үшін арнайы «Қазақстанның көрікті жерлері туралы » таныстырылым түріндегі фильмнің продакшеніне кірісті . Бұл фильм Ұлы даланың киелі жерлеріне , Қазақстан Республикасының бірегей географиялық және табиғи ландшафттарына арналмақ. Сценарий жазушы А. Ахметова OTYRAR SAZY & IFLY жобасының «Yapyr-ai» атты композициясынан шабыттанды . Кейіпкердің барлық бейнесін Байқаудың ресми стилисі А. Рыспекова жасады, Жобаның ресми серіктесі — АО «K cell». Ауқымды түсірілімдер отанымыздың табиғаты ғажап жерлерінде түсіріліп жатыр . Түсірілім командасының басты мақсаты – көрермендерге табиғаттың қайталанбас сұлулығын, ежелгі жерлерін, ландшафттың алуандығын және дастарқаны мол Қазақстанның қонақжайлылығын көрсету.
Роликтің бас кейіпкері – “ ҚАЗАҚСТАН АРУЫ 2019” байқауының жеңімпазы Мадина Батық ғажайып көгілдір түсті суы бар Қайыңды көліне саяхат жасайды, Шарын шатқалы мен Бозжыра борлы тауының адам сенгісіз табиғатын тамашалайды , атқа мініп , асау жүйрікті Қазақстанда қолға үйреткенін әңгімелеп береді. Еліміздің сұлуы бір күннің ішінде шөлден бастап биік тау алқабындағы көгалдар мен биік тау шыңдарына дейінгі бірнеше табиғи аймақтарға баруға болатынын айтып береді! Ролик арқылы көрермендер Қазақстанның жұмбақ жерлерін, атап айтсақ, Ақмешіт үңгірі сияқты діни орындарды тамашалайды , тіпті , жүздеген жыл бұрын Ұлы Жібек жолы өткен жерге қайтып оралады деуге де болады . Аруымыздың саяхаты небәрі 20 жылдың ішінде шағын шаһардан аса заманауи мегаполиске, Қазақстанның көрікті қаласына айналған жас әрі әсем астанамызға келуімен аяқталады. Мадина туған өлкесінің көрікті жерлерін ерекше жылулықпен, асқан мақтанышпен баяндап береді, жиһанкездердің бірегей табиғи және археологиялық нысандарға тәнті болатынын баяндап, оларды Қазақстанға шақырады. Биыл “ӘЛЕМ АРУЫ” байқауының финалы 14 желтоқсан күні Лондонда (Ұлыбритания) өтеді. 20 жастағы павлодарлық “ ҚАЗАҚСТАН АРУЫ 2019 ” байқауының жеңімпазы Мадина Батық еліміздің намысын қорғайды. Аруымызға сәттілік тілейміз!

БАЙҚАУДЫҢ СЕРІКТЕСТЕРІ